Туркия президенти Ражаб Тоййиб Эрдўғоннинг маълум қилишича, Анқара Бағдод ва Теҳрон билан ҳамкорликда Ироқ Курдистони орқали нефть етказиб берилишини тўхтатишни режалаштирмоқда. Бу ҳақда Reuters’га таяниб, «Газета.ru» хабар берди.
Эрдўғон нефтга бой Киркук вилоятининг Ироқ Курдистони мустақиллиги учун бўлиб ўтган референдум ҳаракатлари таъсирига тушиб қолганини танқид қилди.
Аввалроқ, Россия президенти Владимир Путин Курдистонга қарши нефть эмбарголарининг жорий қилиниши нефть нархининг ошишига олиб келишини маълум қилганди.
Ироқ Курдистони мустақиллиги учун референдум 25 сентябрь куни бўлиб ўтган эди. Сайловчиларнинг 92 фоиздан ортиғи Ироқдан ажралиб чиқишни ёқлаб овоз берган.
Изоҳ (0)