Полиция Лас-Вегасда 58 кишининг умрига зомин бўлган 64 ёшли Стивен Пэддок аввалига ўзини ўлдиришни режалаштирмаганини исботловчи далилларни топди. Бу ҳақда The Guardian нашри Лас-Вегас шерифи Жозеф Ломбардога асосланиб маълум қилди, деб хабар берди Meduza.
Ломбардонинг сўзларига кўра, Пэддок аввалига омон қолишни режалаштирган, бироқ шериф полиция буни қайси далиллар асосида аниқлаганини маълум қилмади. Шунингдек, шерифнинг тахминича, қотил ушбу жиноятни амалга ошириш учун бир ўзи ҳаракат қилмаган, бироқ у бунга ҳеч қандай далил келтирмаган. Ҳозирча тергов расман Пэддокни ёлғиз-қотил дея ҳисобламоқда.
Шу билан бирга, полициянинг аниқлашича, Пэддок оммавий қотилликни амалга оширгунига қадар Airbnb орқали Life is Beautiful мусиқий фестивали ўтказиладиган жой кўриниб турадиган хонани ижарага олган. У нима мақсадда бундай қилгани номаълум.
Изоҳ (0)