Сурияда «Жабҳат ан-Нусра» гуруҳининг 49 нафар жангарисини йўқ қилиш ва гуруҳ етакчиси ал-Жўлонийни оғир яралашда Россия ҳарбий разведкаси маълумотлари қўл келди. Бу ҳақда Россия мудофаа вазирлиги расмий вакили Игорь Конашенков маълум қилди, дея хабар беради «Коммерсантъ».
Конашенковга кўра, разведка «Жабҳат ан-Нусра»нинг Идлибдаги «шарқий сектори» дала қўмондонлари шошилинч йиғилиши ҳақида маълумотларни қўлга киритди. Мазкур маълумот тасдиқлангандан сўнг Суриядаги Россия қўшинлари гуруҳи қўмондонлиги ҳаво зарбаси бериш ҳақида қарор қабул қилди.
Йўқ қилинган дала қўмондонлари орасида Мусаб ал-Ҳусайн, Абу Туроб ад-Доғистоний, Абдураҳмон ал-Муҳожир, Абу Аҳмад ал-Жазравий ва бошқалар бўлгани билдирилмоқда.
Террорчиларга Россия ҳаво-коинот кучларининг Су-34 бомбардимончиси зарба берди.
Изоҳ (0)