Европанинг табиий газга бўлган эҳтиёжи ошиб боради, Озарбайжон эса Европа учун ягона янги энегетика манбаси ҳисобланади. Бу ҳақда Озарбайжон президенти Илҳом Алиев Евроиттифоқ сиёсат ва хавфсизлик қўмитаси делегацияси билан учрашувда маълум қилди, дея хабар беради «РИА Новости».
«Ҳозирги вақтда Европани газ билан таъминловчи барча бошқа манбалар фойдаланилмоқда. Озарбайжон яқин масофада жойлашган янги манба, захиралар улкан, навбатдаги ўн йилликлар учун етарли бўлган салоҳият мавжуд», — деди Илҳом Алиев.
Илҳом Алиевга кўра, мамлакатда айни пайтда 4 та газ қувури бўлиб, улар орқали Грузия, Туркия, Эрон ва Россияга газ етказиш мумкин. Охирги, Бокудан Италияга тортилаётган энг йирик газ қувури қурилиши эса давом этмоқда.
Мамлакат иштирок этаётган «Жанубий газ йўлаги» лойиҳаси 10 миллиард кубометр Озарбайжон газини Каспий минтақасидан Грузия ва Туркия орқали Европага етказилишини кўзда тутади. Лойиҳа қиймати 40 миллиард доллардан иборат.
Изоҳ (0)