«Луганск халқ республикаси» Польшага ёки Россиядан ташқари бошқа бирор давлатга кўмир етказиб бермаган. Бу ҳақда тан олинмаган республика ёқилғи, энергетика ва кўмир саноати вазирлиги матбуот хизмати маълум қилди, дея хабар беради «РБК».
«ЛХР ҳудудидан олиб кетилаётган кўмир Украинанинг иқтисодий қамали туфайли бу мамлакатга бориб етмайди, Россияга етказилади. Унинг кейинги тақдири бизга қоронғу», — изоҳ берди матбуот хизмати.
Польшанинг Dziennik нашри 4 октябрь куни мамлакатга Doncoaltrade фирмаси томонидан Луганск халқ республикасидан 11 тонна кўмир келтирилганини маълум қилди. Польша давлат реестрига кўра, фирма 2012 йилдан бери Катовицада рўйхатга тиркалган. Унинг раиси ва бош акциядори сифатида эса ЛНР энергетика вазирининг собиқ ўринбосари Александр Мельничук кўрсатилган.
Кейинчалик Польша энегетика вазири Кшиштоф Тхужевский мамлакат телевидениеси эфирида мамлакатга Донбассдан кўмир етказиб берилганини тан олди.
Изоҳ (0)