Саудия Арабистони ИИВ ходимлари ижтимоий тармоқлар орқали мамлакатда «қарама-қарши фикларни алангалатган» 40 дан ортиқ одамни ҳибсга олди. Бу ҳақда Al Arabiya телеканалига таяниб, «РБК» хабар берди.
Идора вакиллари 22 кишини, жумладан, ижтимоий тармоқлардан фойдаланган ҳолда «мухолиф ғояларни» тарқатгани учун Қатар фуқаросини ҳибсга олди. Телеканал маълумотларига кўра, ҳуқуқ-тартибот органлари ходимлари интернетда «жамоат тартибини бузишга» чорловчи видеороликни пайқаб қолишган.
Шунингдек, телеканал Хейлнинг шимолий ҳудудларида яна 24 киши қабилалар ўртасида келишмовчиликларни юзага келтиришда гумонланиб, қўлга олинганини маълум қилди.
Нашрнинг хабар беришича, гумонланувчилар ўз сайтлари олдинга силжиши учун «ёлғон тарғиботлар, қарама-қарши фикрлар ва қабилалар ўртасида келишмовчиликни келтириб чиқарадиган» материалларни тарқатишда ижтимоий тармоқлардан, махсус хэштеглардан фойдаланишган. Ҳозирда полиция қўлга олинганларнинг шахсини аниқлаштириш билан шуғулланмоқда.
Изоҳ (0)