Сан-Паулуда Бразилия Банкини ўмармоқчи бўлган 16 нафар гумонланувчи қўлга олинди, деб ёзади Meduza.
Банк омборхонасига кириш учун жиноятчилар 600 метрлик туннель қазиб, уни металл устунлар билан мустаҳкамлади ва унга электр токи ўтказди. Globo телеканали маълумотларига кўра, тайёргарлик ишларига улар қарийб 4 миллион Бразилия реали (тахминан 1,3 миллион доллар) сарфлаган.
Полиция маълум қилишича, ўғриликка таёргарликни жиноятчилар 4 октябрь, чоршанба кунгача якунлашни режалаштирган. Уларни 2 октябрь, душанба куни ўтказилган операция натижасида қўлга олишди.
Изоҳ (0)