3 октябрь — Каталония мустақиллиги референдумидаги полиция ҳаракатларига норозилик сифатида ҳудудда умумий иш ташлаш эълон қилинган кун, деб ёзади Meduza.
Бутун Барселона бўйлаб кўплаб норозилик намойишлари бўлиб ўтмоқда, мактаблар, университетлар, ўқув марказлари ва кўплаб дўконлар ёпилган; кечки соат бешга қадар шаҳарда жамоат транспорти ҳам ишламади. Meduza’нинг ёзишича, иш ташлаш қатнашчилари ўнлаб йўлларни ёпиб қўйиб, катта тирбандликларни келтириб чиқарган.
«Каталония майдони» метро бекатининг бўш платформаси. Барселона метроси 3 октябрь куни ишни кеч соат бешдан бошлайди ва атиги уч соат ишлайди.
Барселонадаги Испания ҳукумати ваколатхонаси биноси олдидаги намойишлар вақтида ўт ўчирувчилар ҳам иш ташлаш қатнашчилари сафига қўшилди.
Барселона марказидаги миллий полиция биноси олдидаги йўлга ўтириб олган намойиш иштирокчилари.
Каталониядаги умумий иш ташлаш сабаб ёпиб қўйилган НII трассасига чиқиб олган намойишчилар. Йўллардаги оммавий акциялар кўп километрлик тирбандликларга сабаб бўлди.
Шаҳарнинг машҳур Бокерия бозори ҳам 3 октябрь куни ишламади.
Намойишчилар бутун Барселонани кесиб ўтган Гран-Виа кўчасини ёпиб қўйди.
Испан «Халқ партияси»нинг Барселонадаги қароргоҳи олдидаги норозилик намойиши.
Намойишчилар Гран-Виа кўчаси бўйлаб ҳаракатни тўхтатиб қўйди. Гран-Виа бутун Барселонани кесиб ўтиб, бир неча майдонларни бирлаштиради.
Изоҳ (0)