Япония балиқ ови саноати бошқармаси мамлакатнинг шимоли-шарқий қирғоқларида 177 та китнинг ўлдирилгани ҳақида ҳисобот берди. Китлар уларнинг ички аъзоларини тадқиқ қилиш мақсадида овланган. Бу ҳақда Channel NewsAsia хабар қилмоқда.
Таъкидланишича, япониялик олимлар шу тариқа бу сутемизувчлларнинг ошқозонидаги моддалар таркиби ҳақида маълумот тўпламоқда ва аллақчон қилинган иш ҳақида Китлар ови бўйича халқаро комиссияга ҳисобот берган. Миссияни бажариш давомида учта кит овловчи кема 43 та майда йўл-йўл терили ва 134 та сейвал китини овлаган.
Даромад олиш учун китларни овлаш кит овини тартибга солувчи халқаро Конвенция билан тақиқланган. Шу билан бирга, 1987 йилги халқаро келишувга асосан китларни ўлдириш эҳтимоли билан уларнинг устида тадқиқот ўтказишга рухсат берилган.
Токио қонун доирасида ҳаракат қилаётганини қатъий таъкидламоқда, бироқ вақти-вақти билан ҳайвонлар ҳимоячиларининг диққат марказига тушмоқда. Ҳимоячилар Японияни фан мақсадлари ортида яширинаётганликда айбламоқда, аслида кит гўшти мамлакатдаги супермаркетларда сотилмоқда.
Изоҳ (0)