Сўнгги маълумотларга кўра, Лас-Вегасдаги кантри-фестиваль қатнашчиларига қарата уюштирилган очиқ отишма оқибатида 50 дан зиёд одам ҳалок бўлган, 200 дан кўпроғи яраланган. Бу ҳақда шаҳар полицияси маълум қилди, дея хабар бермоқда Meduza.
Отишмани келтириб чиқарган ўқотар — 62 ёшли Стивен Педдок полиция махсус кучлари томонидан отиб ўлдирилган. Ўқотар нима сабабдан бундай қилгани номаълум.
Хабар беришларича, кантри-фестиваль иштирокчиларига қарата «Мандалай Бей» меҳмонхонасидан туриб ўқ ёғдирилган. Отишма автоматик қуролдан олиб борилган. Полиция махсус хизмати меҳмонхона хонасига бостириб кириб, ўқотарни ўлдирган.
Ўқотарнинг дугонаси қидирувга берилган. Айни вақтда полиция уни ўқотарнинг шериги деб ҳисобламаяпти, фақат унинг ёрдамида баъзи саволларга жавоб топмоқчи.
Изоҳ (0)