Ироқ ҳарбийлари ИШИД террорчилик ташкилотининг асосий «қалъа»си бўлиб келаётган Ал-Хавижа шаҳри яқинида жойлашган 30 га яқин қишлоқни озод этди, деб хабар берди «РИА Новости».
Ироқ бош вазири Ҳайдар ал-Ободий сентябрь ойининг охирида Киркук вилоятидаги Ал-Хавижа шаҳрини озод этиш мақсадида операциялар бошланганини маълум қилганди.
Хабар қилинишича, қишлоқларни озод этишда федерал полициянинг ҳарбийлашган қисмлари, шунингдек, халқ полицияси иштирок этган. Ҳарбийларнинг маълум қилишича, Ал-Хавижа шаҳри томон ҳаракатлар давом этмоқда.
Мамлакат армияси жорий йилнинг июлида Мосулни эгаллаганидан сўнг, Ал-Хавижа ИШИДнинг асосий «штаби»га айланган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)