Қирғизистон бош вазири Сапар Исаков тўртинчи бор ота бўлди. Унинг турмуш ўртоғи Малика Арстанбекова қиз фарзандни дунёга келтирди. Бу ҳақда Қирғизистон Вазирлар Маҳкамаси вакилига асосланиб, «РИА Новости» хабар берди.
Исаковнинг ёш 40 да. Август ойи охирида собиқ бош вазир Сооронбай Жээнбеков президентлик сайловида иштирок этиш учун лавозимини тарк этгани сабаб Қирғизистон парламенти ўзининг навбатдан ташқари сессиясида Исаковнинг номзодини қўллаб-қувватлаган эди. Ҳукумат матбуот хизматининг маълумотларига кўра, Исаков 1991 йилдан буён Қирғизистондан Россияга расмий ташриф уюштирган биринчи бош вазир ҳам ҳисобланади. Бунга қадар барча ташрифлар иш юзасидан амалга оширилган.
«Ҳа, улар қиз фарзандли бўлишди. Бу якшанба куни содир бўлди», — дейди агентлик суҳбатдоши.
Унинг маълумотларига кўра, бу қирғиз бош вазирининг оиласидаги тўртинчи қиз. У Бишкекдаги туғруқхоналардан бирида дунёга келди.
Сапар Исаковнинг турмуш ўртоғи мутахассислиги бўйича психолог бўлиб, унинг ёши 36 да.
Изоҳ (0)