1 октябрь, якшанба куни Каталония мустақиллиги учун бўлиб ўтган референдумда 900 га яқин одам жароҳат олди. Бу ҳақда автоном вилоятнинг соғлиқни сақлаш департаментига асосланиб, «ТАСС» хабар берди.
«Умумий миқдорда 893 кишига тиббий ёрдам керак бўлди», — дея таъкидлади идора.
1 октябрь куни Каталониядаги референдум иштирокчиларининг 90 фоизи, яъни икки миллиондан ортиқ одам автоном ҳудуд мустақиллиги учун овоз берган. Мадрид каталон референдумини ноқонуний деб ҳисобламоқда, Барселона эса овоз бериш жараёнларига қадар плебиссит ҳукумат учун қонуний кучга эга эканлигини маълум қилганди.
Референдум ўта кескин шароитда бўлиб ўтди: испан судининг қарорини бажарган миллий полиция ва фуқаролик гвардияси ходимлари сайлов участкалари ишини тўхтатишга, бюллетенлар учун мўлжалланган қутиларни тортиб олишга ҳаракат қилди.
Изоҳ (0)