Буюк Британияда йирик авиакомпания банкротлик эълон қилди. 110 мингдан ортиқ одам уйига қайта олмаяпти

Буюк Британияда чартер рейслар билан шуғулланувчи Monarch Airlines авиакомпанияси ўз парвозларини тўхтатди, деб хабар берди Meduza.

Фуқаролик авиациясининг ҳисоб-китобларига кўра, хорижда Буюк Британияга қайтариш лозим бўлган 110 мингдан ортиқ одам Monarch Airlines рейсларининг чипталари билан қолишган. Яна ушбу авиакомпания рейсларига 300 мингга яқин чипта брон қилинган.

Йўловчилар сонидан келиб чиқиладиган бўлса, гап Буюк Британиядаги авиакомпаниянинг «йирик синиши» ҳақида кетмоқда.

Фуқаролик авиацияси бошқармаси ҳукуматга Monarch Airlines йўловчиларини ташиш учун 30 га яқин самолёт сўраб мурожаат қилди.

2 октябрга ўтар кечаси Monarch Airlines авиакомпаниясининг туристик саёҳатлар ташкилотчиси сифатида хизмат кўрсатиш имконини берувчи лицензиясининг муддати тугаган. Авиакомпания лицензияни узайтиришнинг имконини топа олмаган.

Monarch Airlines компаниясига 1968 йилда асос солинган бўлиб, у Буюк Британиядаги бешта аэропортдан 40 та йўналиш бўйича парвозларни амалга оширар эди. Авиакомпанияда 2,7 мингга яқин одам ишлайди.