27 сентябрь куни Тошкент аэропортида қўлга олинган ёзувчи Нурулло Отахонов (Нуруллоҳ Муҳаммад Рауфхон)нинг терроризмга алоқадориги тўғрисидаги гумон тасдиқланмади, шунингдек, унга нисбатан қамоққа олиш эҳтиёт чораси бекор қилинди. Бу ҳақда Тошкент шаҳар ИИББ бошлиғи ўринбосари Дониёр Тошхўжаев «Kun.uz» нашрига маълум қилди.
Аммо, Дониёр Тошхўжаевнинг қўшимча қилишича, Нурулло Отахоновга нисбатан нисбатан 2017 йил 11 май куни Яшнобод тумани ИИБ томонидан Жиноят кодексининг 159-моддаси 1-қисми («Ўзбекистон Республикаси конституциявий тузумига тажовуз қилиш») ҳамда 244-1 моддаси, 3-қисми, «г» банди («Жамоат хавфсизлиги ва жамоат тартибига таҳдид солувчи материалларни тайёрлаш, сақлаш, тарқатиш ёки намойиш этиш, оммавий ахборот воситалари ёки телекоммуникация тармоқларидан, шунингдек, интернет жаҳон ахборот тармоғидан фойдаланиб содир этиш») аломатлари бўйича қўзғатилган жиноят иши юзасидан дастлабки тергов ишлари олиб борилмоқда.
Аввалроқ Нурулло Отахонов 1 октябрь куни ҳибсдан озод этилгани ҳақида хабар берилган эди. Ёзувчининг ўғли Файзуллохон Отахоновнинг Facebook’да маълум қилишича, Нурулло Отахоновни «Яшнобод туман ички ишлар бўлими бошлиғи ўзининг хизмат машинасида эшигимиз тагига қўйиб кетган».Аввалроқ Тошкент шаҳар ИИББ Нурулло Отахоновга нисбатан қидирув 11 май куни эълон қилингани, шу сабабли у 27 сентябрь куни, Тошкент қўниши билан қўлга олингани ҳақида ахборот берган эди. Нурулло Отахонов сўнгги икки йилдан бери Туркияда яшаб келаётган эди.Мавзуга доир: ИИББ: Ёзувчи Нуруллоҳ Муҳаммад Рауфхон қидирувда бўлгани учун 27 сентябрь куни Тошкентга қўниши билан қўлга олинди
Ушбу ҳикоя асосида «Оқ бино оқшомлари» бадиий фильми суратга олинган. Ёзувчи турк, грузин, хитой ва рус адабиётидан бир қатор асарлар таржима қилган. Ёзувчи кейинги 25 йил мобайнида «Ёшлик» (бўлим мудири), «Муштум» (масъул котиб), «Шарқ юлдузи» (бўлим мудири), «Ҳидоят» (бош муҳаррир) каби турли журналларда ҳамда «Мовароуннаҳр» нашриётида (бош директор) ишлаган.
Изоҳ (0)