Самарқанд маъмурияти вакиллари Ўзбекистонда ташриф билан бўлиб турган Москва ва Бутун Рус патриархи Кириллга православ черковида диний ибодат чоғида фойдаланиб келинган маҳаллий шаробни тақдим этди. Бу ҳақда патриархнинг матбуот котиби Александр Волков маълум қилди, дея хабар беради «РИА Новости».
«Қабул давомида унга Самарқанд ҳокимлиги томонидан ‘Ўзбекистон’ маркасига мансуб кагор совға қилинди. Шароб совет даврида ҳам, ҳозир ҳам фойдаланиб келинган, Черковга жуда яхши маълум кагорлардан бири. Патриархга ўзи таваллуд топган 1946 йилда тайёрланган вино тақдим этилди», — деди Александр Волков.
Матбуот котибига кўра, патриарх Кирилл бу шаробни албатта очиши ва ўзи учун муҳим бўлган диний маросимлардан бирида фойдаланишини билдирган.
Изоҳ (0)