Номаълум шахс Марселдаги Сен-Шарль темирйўл станциясида ўткинчиларга ҳужум қилди. Бу ҳақда Meduza хабар бермоқда.
Ҳужум қилган шахс пичоқ билан қуролланган бўлган. Дастлабки маълумотларга кўра, ҳодиса оқибатида икки киши ҳалок бўлган.
Хабар беришларича, полиция махсус операция бошлаган. «Коммерсантъ» хабарига кўра, ҳужум қилган шахс ҳуқуқ-тартибот органлари томонидан отиб ташланган. Ҳодиса жойига Франция ички ишлар вазири Жерар Коллон етиб келган.
Гувоҳларнинг қайд этишича, ҳужум қилган шахс «Аллоҳу акбар» деб қичқирган. Полициядаги норасмий манба маълумотларига кўра, юз берган воқеа теракт сифатида баҳоланмоқда.
Изоҳ (0)