Мадрид марказида Каталониянинг мустақиллик референдумига қарши намойиш бўлиб ўтди. Meduza’нинг ёзишича, унда юзлаб одамлар қатнашган. Улар Испаниянинг ҳудудий яхлитлиги ҳимоясига бағишланган шиорларни кўтариб чиққан.
https://twitter.com/elespanolcom/status/914455776005156864
La Vanguardia газетасининг хабар беришича, Басклар ўлкасидаги Витория ва Сан-Себастьян шаҳарларида Каталониядаги референдумни қўллаб-қувватловчи намойишлар бўлиб ўтган. Унда мингга яқин одам қатнашган.
Каталония мустақиллиги масаласидаги референдум 1 октябрь куни Тошкент вақти билан 12:00 да бошланган эди. Испания полицияси овоз бериш жараёнига халал беришга уринмоқда: у сайлов участкаларига кириш жойларини ёпиб, бюллетенлар учун мўлжалланган урналарни олиб қўймоқда.
Каталония ҳукуматининг маълум қилишича, полиция билан тўқнашувлар давомида 337 киши жабрланган. Испания ҳукумати эса референдум тарафдорлари билан тўқнашувлар оқибатида 11 полициячи жароҳат олганини тасдиқлади.
Изоҳ (0)