Қирғизистонда, Иссиқкўл қирғоғида тез тиббий ёрдам машинаси авварияга учради, 4 киши ҳалок бўлди. Бу ҳақда мамлакат соғлиқни сақлаш вазирлиги матбуот хизмати вакили Елена Баялинова маълум қилди, дея хабар берди «РИА Новости».
«Иссиқкўл вилояти соғлиқни сақлаш мувофиқлаштирувчиси Эсенбек Сатилкановнинг айтишича, тез тиббий ёрдам станцияга чақириқ 1 октябрь, якшанба куни маҳаллий вақт билан 04:30 да келиб тушди. Машина касалхонага йўл олганида унга бошқа автомобиль келиб урилди», — хабар берди Елена Баялинова.
ЙТҲ оқибатида ҳомиладор аёл, тез тиббий ёрдам машинаси ҳайдовчиси ва фелдшер ҳалок бўлди. Яна бир аёл касалхонада оламдан ўтди.
Вазирликнинг дастлабки маълумотларига кўра, тез тиббий ёрдам машинаси билан тўқнашувни Mercedes автомобилини бошқарган 1994 йилда туғилган қиз амалга оширди..
Изоҳ (0)