Испания Миллий гвардияси ва Фуқаролик гвардияси кучлари Каталония мустақиллиги масаласида ўтказилаётган референдум сайлов участкаларидан сайлов урналари ва бюллетенларини олиб қўймоқда. Бу ҳақдаги хабарларни Испания ички ишлар вазири Хуан Игнасио Соидо тасдиқлади, дея хабар бермоқда «РИА Новости».
«Миллий полиция сайлов урналарини олиб қўйиш орқали юридик кўрсатмалар ва ноқонуний референдум юзасидан қабул қилинган қонунлар талабларини бажармоқда», — деди Испания ИИВ раҳбари.
Вазирлик раҳбари Twitter’да агентлар сайлов участкасидан сайлов бюллетенларини олиб чиқаётгани акс этган видеони ҳам эълон қилди. Сайлов участкаси олдида тўпланган оломон эса норозилик билдирмоқда.
https://twitter.com/zoidoJI/status/914386365114142720
Соидо томонидан эълон қилинган бошқа бир фотосуратда эса олиб қўйилган урналар ва бюллетенларни кўриш мумкин. «Полиция ва Фуқаролик гвардаси суд кўрсатмасига мувофиқ ҳаракат қилмоқда. Бу олиб қўйилган дастлабки урналар ва бюллетенлардир», — дейди вазир.
Каталония мустақиллиги бўйича референдум маҳаллий вақт билан 9:00 да (Тошкент вақти билан 12:00 да) бошланган бўлиб, 20:00 га (Тошкент вақти билан 23:00 га) қадар давом этади.
Изоҳ (0)