Испания полицияси Каталония раҳбари овоз бериши керак бўлган сайлов участкасига киришни ёпиб қўйди

Испания фуқаролик гвардияси Жирона вилоятидаги Каталония мустақиллиги масаласидаги рефрендумда Каталония раҳбари Карлес Пучдемон овоз бериши кутилган сайлов участкасига киришни ёпиб қўйди. Бу ҳақда «РИА Новости» хабар бермоқда.

Twitter’да эълон қилинган видеоёзувда ҳуқуқни муҳофаза қилиш идоралари ходимлари бино ичига кириш учун ойнаванд эшикни синдираётгани акс этган.

DIRECTO https://t.co/VTIn7KxLfp La Guardia Civil entra en el colegio de Girona donde iba a votar Puigdemont pic.twitter.com/WQg11t7nWj

— EL PAÍS (@el_pais) October 1, 2017

Аввалроқ Пучдемон барча хоҳловчиларни Испания ҳукумати томонидан ноқонуний деб эълон қилинган референдумда овоз беришга чақирган эди. Каталония ҳукумати вилоят фуқароларига исталган сайлов участкасида овоз беришга рухсат этган.

Каталония мустақиллиги бўйича референдум маҳаллий вақт билан 9:00 да (Тошкент вақти билан 12:00 да) бошланган бўлиб, 20:00 га (Тошкент вақти билан 23:00 га) қадар давом этади.