Миллий хавфсизлик хизмати Хоразм вилоят бошқармаси, вилоят ИИБ ҳамда Бош прокуратура ҳузуридаги департаментнинг вилоят бошқармаси ходимлари ҳамкорлигида Қўшкўпир туманида ўтказган тезкор тадбирда Урганч шаҳрида истиқомат қилувчи Даврон Рўзметов 6100 АҚШ долларини 8200 сўмдан жами 50 миллион 020 минг сўмга сотаётганда қўлга олинди. Бу ҳақда «Ўзбекистон 24» хабар берди.
Шунингдек, Даврон Рўзметовнинг ёнида 2323 АҚШ доллари ва 5000 Россия рубли борлиги аниқланиб, умумий миқдорда 8423 АҚШ доллари ва 5000 Россия рубли далилий ашё сифатида олиб қўйилди.
Шовот туманида истиқомат қилувчи Сафарбой Нуржонов 5800 АҚШ долларини 8070 сўмдан жами 46 миллион 806 минг сўмга сотиб олаётган вақтида ҳуқуқни муҳофаза қилувчи органлар ходимлари томонидан қўлга олинди.
Тадбир жараёнида унга тегишли 850 АҚШ доллари, 56000 Қозоғистон тенгеси, 1500 Россия рубли ва 53 минг ўзбек сўми далилий ашё сифатида олиб қўйилди.
Ушбу ҳолатлар бўйича Бош прокуратура ҳузуридаги департаментнинг Хоразм вилоят бошқармаси томонидан Даврон Рўзметов ва Сафарбой Нуржоновга нисбатан Ўзбекистон Республикаси ЖКнинг 177-моддаси билан жиноят ишлари қўзғатилди.
Изоҳ (0)