Каталония ҳукумати ташқи ишлар вазири Рауль Ромева автономия ажралган тақдирда ҳам Испания паспортини топшириш ниятида эмаслигини маълум қилди. Бу ҳақда «РИА Новости» хабар бермоқда.
«Испан паспортидан воз кечаманми? Бунинг учун менда ҳеч қандай сабаб йўқ. Мен Испанияга қарши эмасман», — деди Ромева.
Вазирга кўра, икки паспортга эга бўлиш билан боғлиқ ҳеч қандай муаммо йўқ. Қонун Каталония фуқаролиги қабул қилинса олдинги фуқароликдан воз кечиш мажбуриятини юкламайди.
Маълумот учун, охирги сўровларга кўра Каталония мустақиллигини автономия аҳолисининг 41 фоизи ёқламоқда, 49 фоизи эса бунга қарши.
Изоҳ (0)