Ироқ Курдистони маъмурий маркази — Арбилдаги аэропортга халқаро рейслар тўхатилади. Буни аэропорт директори Талар Фоиқ Солиҳ тасдиқлади, дея хабар беради «ТАСС».
Унинг айтишича, Арбилга парвозлар 29 сентябрь, жума куни маҳаллий вақт билан 18:00 дан бошлаб тўхтатилади.
Ироқ Курдистони мустақиллиги тўғрисидаги референдумнинг эртасига, 26 сентябрь, сешанба куни Ироқ ҳукумати курд автономияси раҳбариятига Бағдодга барча чегара пунктлари ва аэропортлар бошқарувини топширишга 72 соат вақт берганди. Бироқ Арбиль мазкур талабни рад этди.
Ироқ фуқаролик авиацияси бошқармаси хорижий компанияларни Арбиль ва Сулаймониядаги аэропортларга барча фуқаролик рейсларини амалга ошириш тўхтатилишини етказди.
Egypt Air (Миср), Middle East Airlines (Ливан), Royal Jordanian Airlines (Иордания), Fly Dubai (БАА), шунингдек, Туркиянинг Turkish Airlines, Аtlas Globus ва Pegasus авиакомпаниялари парвозларни тўхтатиш ҳақида қарор қабул қилишга улгурди.
Изоҳ (0)