АҚШга қарши туриш учун 1,2 миллион аёл КХДР армиясига қўшилишга тайёр

КХДРнинг 4,7 миллиондан ортиқ фуқароси Корея халқ армияси сафига қўшилиш истагини билдирди. Бу ҳақда «ТАСС» хабар бермоқда. 

Корея марказий телеграф агентлигига кўра, барча фуқаролар «ўз етакчилари ва социализмни ҳимоя қилиш, халқ республикасини йўқ қилиш ниятини билдирган АҚШ империалистларини ер юзидан супуриб ташлаш»га тайёр. 

Охирги 6 кун мобайнида мамлакат қуролли кучларини тўлдириш истаги ҳақида мактабларнинг юқори синф ўқувчилари, барча олий ўқув юртлари, жумладан, Ким Ир Сен номли университет ва Ким Чак номидаги технология университети талабалари, ишчилар ва бошқа фуқаролар, жами 4,7 миллиондан ошиқ киши маълум қилди. 

Улардан 1,2 миллион нафари аёллар экани билдирилмоқда.