КХДР вакиллари америкалик талаба, мамлакатдан қайтиши билан оламдан ўтган Отто Уормбир Шимолий Кореяда ҳибсда тутиб турилганида қийноққа солинмаганини маълум қилди. Бу ҳақда, КХДР ТИВ баёнотига асосланиб, «РБК» хабар бермоқда.
Реутеръга кўра, ТИВ вакили талабанинг қийналиши билан боғлиқ айбловларни «асоссиз туҳмат» деб атаган. Унинг сўзларига қараганда, Шимолий Корея, Уормбирнинг «душманона хатти-ҳаракатлари»га қарамай, унга тиббий ёрдам кўрсатган.
Илгарироқ талабанинг ўлими юзасидан тиббий экспертиза ўтказган мутахассис унинг танасидан қийноқ излари топилмаганини билдирган эди.
Отто Уормбир 2016 йили КХДРда 15 йилга қамалган эди. У Шимолий Кореяга турист сифатида келган, аммо Пхеньяндаги меҳмонхонада ташвиқий плакатни ўғирлаганликда айбланган эди.
2017 йил 13 июнда Уормбирнинг танаси АҚШга қайтарилди. У вегетатив аҳволда бўлиб, ўзига келмаган ҳолда бир ойдан сўнг вафот этди.
Изоҳ (0)