Ўзбекистон Президенти «Юқори сифатли этил спирти ва ликёр-арақ маҳсулотлари ишлаб чиқаришни ташкил этиш чора-тадбирлари тўғрисида» қарор имзолади, деб ёзади Norma.
Тошкентда 2017—2020 йилларда янги ликёр-арақ заводи қурилади. Бу Россиянинг «СЕЛЕНА» МЧЖ компанияси тўғридан-тўғри инвестициялари ҳисобига унинг кейинчалик яратилаётган Premium Uzbekistan МЧЖ ҚК устав капиталига йўналтириш ҳисобига амалга ошади.
Сўнгги авлоднинг илғор технологияларидан фойдаланган ҳолда «Люкс» классдаги спиртидан олий сифатли ликёр-арақ маҳсулотларини қуйиш бўйича «СЕЛЕНА» МЧЖ (Россия Федерацияси) билан масъулияти чекланган жамият шаклидаги Premium Uzbekistan қўшма корхонаси ташкил этилади, дейилади ҳужжатда.
Қўшма корхона «Тошкент механика заводи» АЖ ишлаб чиқариш қувватлари майдонларида жойлаштирилади.Premium Uzbekistan МЧЖ ҚКнинг бирламчи устав капитали эквиваленти 150,0 минг АҚШ долларини ташкил этади, бундан «СЕЛЕНА» МЧЖнинг улуши 51 фоиз миқдорида ва «Ўзбекистон темир йўллари» АЖнинг улуши 49 фоиз миқдоридаги пул маблағлари ҳисобидан шакллантирилади.
Шу билан бир вақтда ушбу инвестор қарзлари ҳисобидан «Қўқон спирт» АЖнинг саноат ишлаб чиқаришлари модернизация қилинади.
Изоҳ (0)