Руминия Португалиядан харид қилинаётган 12 та F-16 самолётига қўшимча равишда АҚШдан яна 36 та шундай русумдаги ҳаво кемаларини сотиб олишни режалаштирмоқда. Бу ҳақда мамлакат мудофаа вазири Михай Фифор маълум қилди, дея хабар беради «Корреспондент.net».
Португалиянинг Монте-Реалида Руминия томонига икки давлат ҳукуматлари шартномаси доирасида 3 та F-16 самолётини топшириш маросими бўлиб ўтди. Мудофаа вазирлигига кўра, мазкур қурилмалар олингач, Руминия кўп нишонли F-16 Fighting Falcon самолётларини ишга туширишнинг биринчи босқичини якунлайди.
«Бу гал Португалиядан эмас, АҚШдан яна шундай қурилмаларни харид қилиш муҳокамаси жараёнидамиз. Харид нархи билан танишиш учун зарур ҳужжатларни тақдим этдик. Музокараларнинг бошланғич босқичидамиз, 36 та самолёт сотиб олиш режалаштирилган», — деди Михай Фифор.
Изоҳ (0)