AQShga qarshi turish uchun 1,2 million ayol KXDR armiyasiga qo‘shilishga tayyor

KXDRning 4,7 milliondan ortiq fuqarosi Koreya xalq armiyasi safiga qo‘shilish istagini bildirdi. Bu haqda “TASS” xabar bermoqda. 

Koreya markaziy telegraf agentligiga ko‘ra, barcha fuqarolar “o‘z yetakchilari va sotsializmni himoya qilish, xalq respublikasini yo‘q qilish niyatini bildirgan AQSh imperialistlarini yer yuzidan supurib tashlash”ga tayyor. 

Oxirgi 6 kun mobaynida mamlakat qurolli kuchlarini to‘ldirish istagi haqida maktablarning yuqori sinf o‘quvchilari, barcha oliy o‘quv yurtlari, jumladan, Kim Ir Sen nomli universitet va Kim Chak nomidagi texnologiya universiteti talabalari, ishchilar va boshqa fuqarolar, jami 4,7 milliondan oshiq kishi ma’lum qildi. 

Ulardan 1,2 million nafari ayollar ekani bildirilmoqda.