Эрон ташқи ишлар вазири Жавад Зариф Эрон фуқароларининг АҚШга кириши учун янги чекловлар аввалгиларидан ҳам «ҳақоратлироқ» эканлигини айтди, деб ёзади «Коммерсантъ».
«Трампнинг эронликларга сохта ҳамдардлиги шундай атоқли халққа нисбатан янги ва янада ҳақоратлироқ тақиқ билан янада самимиятсиз янграмоқда», — деб ёзди у Twitter’да.
Эслатиб ўтамиз, АҚШ ҳукумати фуқароларининг мамлакат ҳудудига кириши чекланадиган давлатлар рўйхатини кенгайтирди. Рўйхатга Венесуэла, КХДР ва Чад қўшилди. Аввалгидек, тақиқ Эрон, Яман, Ливия, Сурия ва Сомали фуқаролари учун амал қилади. Мамлакатлар рўйхатидан Судан олиб ташланди.
Изоҳ (0)