Илон Маск ўзининг SpaceX компанияси томонидан ишлаб чиқилган скафандрнинг бор бўй-басти акс этган суратни илк бор намойиш этди.
Суратда скафандр илк тўлақонли парвози 2018 йилнинг май ойига режалаштирилган Dragon 2 бошқариладиган космик кемаси ёнида акс этган, деб ёзади Meduza.
Маск скафандрнинг илк суратини август ойида эълон қилган эди. Миллиардер ўшанда скафандр муаллифлари «эстетика ва функсионаллик орасидаги мувозанатни топишга жуда қийналгани»ни қайд этиб ўтган эди.