Шимолий Корея ташқи ишлар вазири Ли Ён Хо БМТ Бош ассамблеясидаги чиқиши чоғида АҚШ президенти Дональд Трампни «руҳий хаста» деб атади. Бу ҳақда «РБК» хабар бермоқда.
«Реаллик шундан иборатки, руҳий носоғлом, ўзига юксак баҳо берувчи ва даҳо сановчи, бироқ ҳатто Америка халқи ҳам қабул қилмаётган инсон президентлик лавозимини эгаллаб турибди. Бутун ҳаёти давомида пўписа, алдов ва бошқа қинғир усуллардан фойдаланиб келган ўйинчи қўл остида қизил тугма бўлган мамлакатни бошқараётгани аччиқ ҳақиқат. Бугунги кунда дунёда тинчлик ва хавфсизликка жиддий таҳдид шундан иборат», — деди Ли Ён Хо.
Вазирга кўра, президентлигининг 8 ойи давомида Трамп «Оқ уйни ҳисоб-китоблар юритиладиган ғала-ғовурли бозорга айлантирди». БМТда эса «пуллар ҳурмат қилинадиган, қон тўкиш эса одатий ҳол бўлган қароқчилар уяси»ни ташкил этиш ниятида.
Изоҳ (0)