Германиядаги сайловлар арафасида Emnid институти томонидан ўтказилган сўнгги ижтимоий сўров натижалари мамлакатнинг амалдаги канцлери Ангела Меркель ҳукумат раҳбари лавозимини яна эгаллаш учун барча имкониятларга эга эканлигини кўрсатди. «Коммерсантъ»нинг ёзишича, сайловчиларнинг 35 фоизи ўз овозларини ХДИ/ХСИ альянси учун беришга тайёр.
Германия социал-демократик партияси (ГСДП) эса 22 фоизлик натижа билан иккинчи бўлди. «Германия учун муқобил йўл» партияси эса 11 фоиз овоз олди ва учинчи бўлди. Кейинги ўринларда «Сўллар» (10 фоиз), «Эркин демократлар» (тахминан 9 фоиз) ва «Яшиллар» (8 фоиз) бормоқда.
Эслатиб ўтамиз, 24 сентябрь куни Германияда умуммиллий парламент сайловлари бўлиб ўтади, сайлов мамлакатнинг янги канцлери номини ҳам аниқлаб беради. Айни вақтда, германиялик экспертларнинг ишончи комил: Германияда АҚШдаги президентлик сайловлари ёки Буюк Британиянинг Евроиттифоқ таркибида қолиши масаласида референдумидаги каби «сиёсий зилзилалар» бўлмайди.
Изоҳ (0)