АҚШнинг Ироқдаги элчихонаси Ироқ Курдистони мустақиллиги бўйича референдум ўтказилган тақдирда юзага келиши мумкин бўлган тартибсизликлар ҳақида огоҳлантирди. Бу ҳақда «РИА Новости» хабар бермоқда.
«АҚШнинг Бағдоддаги элчихонаси Қўшма Штатлар фуқароларини Курдистондаги маҳаллий ҳукумат 25 сентябрда референдум ўтказгудек бўлса, тартибсизликлар рўй бериши мумкинлиги ҳақида огоҳлантиради», — дейилади элчихона расмий хабарида.
Ироқдаги миссия эҳтиёт чораси сифатида ходимларининг ҳаракатланишини вақтинча чеклаши билдирилмоқда. АҚШ фуқароларига эса баҳсли ҳудудларга боришдан тийилиш тавсия этилди.
Изоҳ (0)