Ўзбекистон Ташқи ишлар вазири Абдулазиз Комилов Нью-Йоркда АҚШ Давлат котибининг Жанубий ва Марказий Осиё бўйича ёрдамчиси вазифасини бажарувчи Элис Уэлс билан учрашди. Бу ҳақда ТИВ матбуот хизмати хабар бермоқда.
Сиёсий, савдо-иқтисодий, инвестициявий, маданий-гуманитар ва бошқа соҳаларда ҳамкорликни чуқурлаштириш истиқболлари муҳокама қилинди.
Томонлар Ўзбекистон ва АҚШ ўртасида кўп қиррали мулоқотни янада ривожлантиришга катта эътибор бераётганини тасдиқлади.
Ўзбекистон Президенти Шавкат Мирзиёевнинг АҚШ етакчи компаниялари ва фирмалари вакиллари билан сермаҳсул учрашув ва музокаралари, Ўзбекистон—АҚШ бизнес-форумининг муваффақиятли натижалари икки давлат ишбилармон доиралари ўртасидаги ўзаро манфаатли алоқаларни юқори босқичга олиб чиқишга туртки беришига ишонч билдирилди.
Учрашувда томонлар кун тартибидаги бошқа масалалар, халқаро ва минтақавий муаммоларни ҳам кўриб чиқди.
Изоҳ (0)