«Ўзбекистон ҳаво йўллари» ва GE Aviation Нью-Йоркда бўлиб ўтган АҚШ—Ўзбекистон бизнес-форуми доирасида ҳаморликни кенгайтириш тўғрисидаги меморандумни имзолади. Бу ҳақда UzDaily хабар бермоқда.
Ҳужжатга кўра, миллий авиакомпания 4 та янги Boeing 787 Dreamliner самолётини жиҳозлаш учун GEnx-1B двигателларини харид қилади. Умумий қиймати 230 миллион долларга баҳоланган двигателлар 2018 йилда етказиб берилиши мўлжалланган.
GE Aviation авиакомпания ихтиёридаги GEnx двигателлари билан жиҳозланган Boeing 787 Dreamliner самолётларига TRUEngine мақомини берди. Мазкур мақом унинг эгаларига двигатель конфигурациясининг ишлаб чиқарувчи талабларига мувофиқлигини кафолатлайди.
Томонлар Boeing 787 Dreamliner самолётларига ўрнатилган GEnx-1B двигателларига техник хизмат кўрсатиш ва таъмирлаш бўйича музокараларни бошлаш ҳақида келишиб олди.
Изоҳ (0)