Сингапур халқаро аэропортида ишлайдиган Тай Бун Ке исмли юк ташувчи уч ой давомида йўловчиларнинг юкларидаги ёрлиқларни алмаштирган. 63 ёшли эркакнинг хатти-ҳаракати сабабли 286 та чамадон белгиланган манзилига жўнатилмаган. Бу ҳақда Meduza маълум қилди.
Аэропорт ходимига ҳар бир ҳолатда етказилган зарар бўйича айблов эълон қилинган. Тахмин қилинишича, у 2016 йилнинг ноябрь ойидан 2017 йилнинг февраль ойигача бўлган даврда ҳар куни ёрлиқларни алмаштириш билан шуғулланган.
Малайзиядаги Пинанг оролига, шунингдек, Гонконг, Манила, Лондон ва бошқа шаҳарларга етказилиши керак бўлган чамадонлар ҳеч қаерга кетмаган.
Кейинги суд мажлиси 17 октябрга белгиланган. Тай Бун Ке ўз мақсадини тушунтирмаган, бироқ айбини тан олишга ҳозирланмоқда. Унга бир йиллик қамоқ жазоси ёки ҳар бир алмаштирилган ёрлиқ учун жарима белгиланиши мумкин.
Аэропорт вакилларининг маълум қилишича, юк ортувчининг хатти-ҳаракати йўловчилар хавфсизлигига жиддий таҳдид келтириб чиқармаган.
Изоҳ (0)