Испания полицияси Каталонияда август ойида содир этилган терактларга алоқадорликда гумон қилинган шахсни қўлга олди. Бу ҳақда мамлакатда ички ишлар вазири Twitter’даги саҳифасида маълум қилди.
Вазирга кўра, қўлга олиш Кастельон провинциясида амалга оширилди. Жиноятга алоқадорликда гумон қилинаётган шахс Марокашда туғилиб-ўсгани билдирилмоқда.
Эслатиб ўтамиз, 17 август куни Барселона ва Камбрильс шаҳарларида содир этилган терактлар оқибатида 16 киши ҳалок бўлди, 130 киши жабрланди. Терактлар учун жавобгарликни ИШИД зиммасига олди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)