Шимолий Корея Тинч океанида келгуси ядро синовини ўтказишга қарор қилса, бомба бу ҳудудга баллистик ракета ёрдамида етказилиши ва Япония устидан учиб ўтиши мумкин. Бу ҳақда Япония мудофаа вазири Ицунори Онодера маълум қилди, дея хабар беради «ТАСС».
«Гап водород бомбасини баллистик ракета воситасида элтиш ҳақида кетаётган бўлса, у Япония ҳудудидан учиб ўтишини истисно этмаймиз», — деди Онодера.
КХДР ташқи ишлар вазири Ли Ён Хо олдинроқ Пхеньян АҚШнинг тажовузкор сиёсатига жавобан водород бомбасининг янги синовини ўтказиш имкониятини кўриб чиқиши ва у Тинч океанида портлатилиши мумкинлигини билдирганди.
Изоҳ (0)