21 сентябрнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев АҚШдаги ўзбекистонликларни ватанига қайтишга чақириб, уларни қўллаб-қувватлашга ваъда берди. Ўзбекистон президенти Жаҳон банки президенти Жим Ёнг Ким билан ҳам учрашди.
2. Умид Аҳмаджонов ФИФА президенти билан учрашди. Кичик мундиаллар Ўзбекистонда ўтиши мумкин. ФИФА қароргоҳида бўлиб ўтган музокаралар якунига кўра, ЎФФ президенти Умид Аҳмаджоновнинг таклифи билан Жанни Инфантино Ўзбекистонга ташриф буюришга ваъда берди.
3. Онлайн-аукционга биринчи тоифали давлат рақам белгилари қўйилиши бошланди. Савдоларга Тошкент шаҳри ва Тошкент вилояти бўйича жисмоний шахслар учун 50 дан зиёд «олтин» авторақамлар ва юридик шахслар учун 25 дан ортиқ лотлар жойлаштирилди.
4. Қорақалпоғистонда мактабга узоқ масофадан қатнайдиган 50 нафар ўқувчига велосипед топширилди. Айни кунларда «Ёшлар тарғибот» поезди аъзолари бутун Қорақалпоғистон бўйлаб турли йўналишларда, қатор лойиҳаларни амалга оширмоқда.
5. Жорий йилнинг ўтган даври мобайнида 835 нафар фуқаролиги бўлмаган шахсга Ўзбекистон паспорти топширилди. 1991 йилдан 2007 йилгача 482 нафар фуқаролиги бўлмаган шахс Ўзбекистон фуқаролигига қабул қилинган.
Изоҳ (0)