Испания полицияси мустақиллик тўғрисидаги референдумга тайёргарлик иши бўйича Каталониядаги 9 та ҳукумат биносида рейд ўтказди. Бу ҳақда Meduza хабар бермоқда.
12 нафар мансабдор, жумладан, Каталония вице-президенти Уриол Жункераснинг «ўнг қўли» саналадиган Жозеп Жове қўлга олинди.
Жункерас полиция ҳаракатларини халқ иродасига қарши чиқиш деб баҳолади ва «Ғарб демократияларида бундай ҳолатлар ўнлаб йиллардан бери рўй бермаётгани»ни таъкидлади. Каталония раҳбари Карлес Пучдемон шошилинч йиғилиш чақирди.
Маълумот учун, Каталонияда 1 октябрь куни мустақиллик тўғрисидаги референдум ўтказилиши режалаштирилган. Испания расмийлари уни ноқонуний ва Конституцияга зид деб эълон қилди.
Изоҳ (0)