Минск МДҲ давлатлари орасида россиялик туристлар ташриф буюрадиган энг машҳур шаҳарга айланди. Бу борадаги тегишли тадқиқот натижаларини TurStat таҳлилий агентлиги ўзининг сайтига жойлаштирди.
Туристлар Белорусь Республикасига ўртача икки ярим кунга боришади. У ердаги сарф-харажат эса суткасига ўртача 70 долларни ташкил этади. Иккинчи ўринни Остона (ўртача икки кун, суткасига 85 доллар), учинчи поғонани эса Боку (уч кун, 78 доллар) эгаллади. Шунингдек, топ-10 рўйхатдан Ереван, Олмаота, Ташкент (6-ўрин), Ашхобод, Киев, Кишинёв ва Бишкек жой олган.
Энг қиммат шаҳарлар дея Остона ва Боку, энг арзонлари дея Бишкек ҳамда Кишинёв топилган. Бу ерда туристлар суткасига тегишли равишда 32 ва 35 доллар сарфлашади.
Таъкидланишича, ушбу рейтинг онлайн-бронлаш тизими маълумотларини таҳлил қилиш асосида тузилган.
Изоҳ (0)