Атлантика океанида шаклланган «Харви», «Ирма» ва «Мария» тўфонлари, шунингдек, Жанубий Осиёдаги тошқинлар иқлим ўзгаришларига қарши тезкор чоралар кўриш зарурлигидан далолат беради. Бу ҳақда БМТ бош котиби Антониу Гутерриш Нью-Йоркда давлат раҳбарлари даражасидаги йиғилиш давомида маълум қилди, дея хабар беради «ТАСС».
«‘Харви’, ‘Ирма’ ва ‘Мария’ тўфонлари, шунингдек, Жанубий Осиёдаги кенг миқёсли тошқинлар нега зудлик билан иқлим ўзгаришига қарши курашиш зарурлигини кўрсатувчи охирги яққол далиллардир. Бундай ҳолатлар тез-тез ва шиддатли тарзда такрорланиб туради ҳамда жиддий гуманитар, иқтисодий оқибатларга сабаб бўлади», — деди Гутерриш.
Бош котибга кўра, ўтган йили дунёда 24 миллиондан ортиқ киши табиий офатлар туфайли қочоққа айланди. 1970 йилдан бери экстремал табиат ҳодисалари сони 4 карра кўпайди.
Гутерриш давлатларни экологик тоза инфраструктурани ривожлантиришга чақирди. Охирги ўн йилликда мазкур секторга инвестициялар ҳажми салкам 300 миллиард долларга етганини эслатди.
Изоҳ (0)