The Wall Street Journal Ўзбекистонга бағишланган мақолани чоп этди

Американинг энг йирик ва энг нуфузли нашрларидан бири The Wall Street Journal Ўзбекистонга бағишланган мақолани чоп этди, деб ёзади «Жаҳон» ахборот агентлиги.

Мақола муаллифи — газета мухбири Ярослав Трофимов Ўзбекистон қадам-бақадам дунёга очилиб бораётганини қайд этди.

Ўзбекистонда содир бўлаётган ўзгаришлар ҳақида гапирар экан, Трофимов мамлакат сиёсий тизимининг либерализациясини, ОАВлар эркин фаолияти учун қўшимча шароитлар яратилганини тилга олди.

Мақоладан, шунингдек, Ўзбекистон ҳукуматидаги кадрлар ўзгариши ҳам ўрин олди, муаллиф ёзишича, унда «ёш технократлар» муҳим ўринни эгаллайди.

«Ташқи сиёсатда Тошкент минтақадаги қўшнилар билан чегараларни очиш йўли орқали алоқаларни нормаллаштиришга киришди», — дея таъкидлади муаллиф.

«Иқтисодий соҳада Ўзбекистон яқинда миллий валютанинг ‘сузувчи’ курсини жорий қилди. Бу иқтисодий тараққиётга ижобий таъсир қилади», — дея ишонч билдирилади мақолада.