Электромобиль сотиб олмасликнинг бешта сабаби (фото)

Электромобиллар — бу келажак транспорти эканлиги шубҳасиз, 20 йилдан сўнг бензинда ҳаракатланадиган машиналарни камдан кам учратиш мумкин бўлади. Бироқ ҳозирда ушбу электромобилларни сотиб олиш фойдалими? Insider Pro ҳозирги вақтда электромобиль сотиб олиш лозим эмаслиги борасида бешта сабабни тақдим этди.

Жуда қиммат

Янги Model S электромобилининг нархи АҚШда 35 минг доллар туради. Бошқа автомобиль ишлаб чиқарувчиларининг машиналари эса бунданда қиммат. Бензинда ҳаракатланадиган C классидаги автомобилларнинг нархи эса 15 минг доллар атрофида.

Қувватлантириш шохобчаларининг камлиги

Ҳатто АҚШнинг ўзида ҳам электромобилларни қувватлантириш шохобчалари жуда кам. Россияда эса 2016 йилга маълумотларга кўра, 29,5 минг автомобилга 4 та шохобча тўғри келган. Forbes’нинг маълумот беришича ҳозирда 170 га яқин қувватлантириш станцияси мавжуд. Уйда ҳам қувватлантириш мумкин, бироқ бу жуда кўп вақтни талаб қилади.

Танловнинг камлиги

Ҳозирда электромобилларни фақатгина айрим автомобиль ишлаб чиқарувчи компаниялар тақдим этаётгани сабаб танлов жуда кам. 2020 йилга бориб электромобилларнинг модели 120 га етиши кутилмоқда.

Ҳаракатланиш масофасининг камлиги

Tesla электромобили бир марта қувватлантирилганида 300 километр масофани босиши мумкин. Бензинда ҳаракатланадиган автомобиллар эса тўла ёқилғи баки билан 500—600 километр масофа боса олади.

Жуда кичкина

Ихчам электромобиллар билан ишга ёки спортклубга қатнаш мумкин, бироқ оилавий сайр қилиш ноқулай.