Ford компанияси вақтинчалик «ҳайдовчисиз» автомобилга айлантирилган Ford Тransit иштирокидаги роликни тақдим этди. Компания машина ичига ўриндиқ каби кийиниб олган ҳайдовчини ўтқазиб, «ушбу автоном транспорт воситаси атрофдагиларга қандай таъсир кўрсатишини» текширмоқчи бўлди, деб хабар берди TJournal.
Ford’нинг олд панелига пиёдалар ва ҳаракат иштирокчилари билан «мулоқот»ни таъминлаш мақсадида светодиод ўрнатилди. Ундаги чироқлар атрофдагиларни автомобиль тезлашиши ёки тўхташи ҳақида огоҳлантириб турди.
Автомобиль компания атайлаб бу ҳақида эълон қилмаганини ва светодиод белгилар нима эканлиги борасида тушунтириш бермаганини маълум қилди.
Компаниядагилар йўловчилардан ушбу «ўзини ўзи бошқарувчи» автомобилга дуч келишганида унинг ҳаракатлари тушунарли бўлган ёки бўлмаганлигини сўзлаб беришларини илтимос қилишди. Ичида ҳайдовчиси бўлган Ford Тransit умумий миқдорда 150 соат ҳаракатланди.
Август ойининг бошларида Американинг Арлингтон округидан бўлган журналист ушбу автомобиль ичида ҳайдовчи бор эканлигини исботловчи видеони тақдим этганди.
Изоҳ (0)