Хитой TanSat космик сунъий йўлдоши ёрдамида Ерда карбонат ангидрид газининг йирик манбаларини аниқлаш бўйича мамлакат тарихидаги биринчи миссияни муваффақиятли тарзда якунлади, деб ёзади «ТАСС».
Сайёра атмосферасини у ерда карбонат ангидрид бор-йўқлиги нуқтаи назаридан тадқиқ қилиш саккиз ойдан ортиқ вақт давомида Хитой метеорология бошқармаси эҳтиёжлари учун олиб борилди. Космик қурилма ҳар 1,5 соатда 700 км баландликдан маълумотларни Хитой давлат сунъий йўлдошли метеорология марказига узатиб турди.
Сунъий йўлдошда иккита модулли платформа бўлиб, унга махсус датчиклар — углерод моноксидининг гиперспектрал детектори ҳамда аэрозол зарраларни тутиш учун кўп спектрли мослама ўрнатилган. Хитой бу йўл билан карбонат ангидрид гази манбаларини батафсил ўрганиб, сайёра атмосферасининг углеродли циклларида унинг қандай рол ўйнашини аниқламоқчи ҳамда узоқ муддатли истиқболдаги иқлим ўзгаришларини олдиндан айтмоқчи.
Изоҳ (0)