Breakthrough Listen лойиҳаси доирасида ишлаётган бир гуруҳ олимлар Ердан уч миллиард ёруғлик йили узоқликда бўлган кичик галактикадан келаётган 15 та сирли радиосигнални қайд этди. Бу ҳақда «ТАСС» хабар бермоқда.
Уларнинг давомийлиги бир неча миллисекунддан ошмади. Сигналларнинг келиб чиқиш сабаби ҳозирча номаълум.
Олимларга кўра, сигналлар нейтрон юлдузлари импульслари ёки ўзга цивилизациялар коинот қурилмалари двигатели шовқини бўлиши мумкин. Бироқ улар ўз галактикасини Ерда ҳаёт энди пайдо бўлаётганида тарк этгани аниқ.
Маълумот учун, Ердан ташқаридаги ҳаёт аломатларини қидириш билан шуғулланадиган 100 миллион доллар қийматидаги Breakthrough Listen лойиҳаси доирасидаги кузатувлар ўтган йил январида бошланди. Британиялик таниқли физик олим Стивен Хокинг қўллаб-қувватлаган лойиҳага россиялик бизнесмен Юрий Мильнер ҳомийлик қилмоқда.
Изоҳ (0)