Хитой 2025 йилга келиб паст орбитага 156 та кичик алоқа сунъий йўлдошини чиқаришни режалаштирмоқда. Улар ер юзидаги бориш қийин бўлган манзиллар аҳолисини интернет билан таъминлашда қўлланади, дея хабар беради «ТАСС».
«Хунъюнь» лойиҳаси Хитой аэрокоинот фанлари ва саноати корпорацияси (CASIC) томонидан ишлаб чиқилган. Биринчи сунъий йўлдошнинг учирилиши 2018 йилга мўлжалланган, яна 4 та қурилма 2020 йилда орбитага чиқарилади.
Лойиҳа доирасида корпорация 2025 йилгача барча 156 сунъий йўлдошни фойдаланишга топширишни режалаштирмоқда.
Олимлар ҳисоб-китобига кўра, ҳозирда ер юзи аҳолисининг ярмига яқини интернетдан фойдаланишдан маҳрум. «Хунъюнь» лойиҳаси тоғли ҳудудлар, саҳролар, олис ороллар ва бошқа бориш қийин бўлган манзиллар аҳолисига юқори тезликда тармоққа уланиш, шунингдек, ҳаво ва денгиз кемаларида интернет-алоқа сифатини ошириш имкониятини яратади.
Изоҳ (0)