Канаданинг Манитоба провинциясида Beechcraft Musketeer бир моторли самолёти ҳалокатга учраши оқибатида учувчи ҳалок бўлди. Бу ҳақда «Корреспондент.net» хабар бермоқда.
Ҳодиса ҳаво кемаси Сент-Эндрюс шаҳри аэропортидан парвоз этганидан кейиноқ, провинция маркази Виннипег шаҳридан 15 километр шимолда рўй берди.
Самолёт бортида бир киши — 29 ёшли эркак бўлган. Унинг тажрибали учувчи бўлгани ва тегишли лицензияси мавжудлиги, бироқ самолёт унга тегишли бўлмагани билдирилмоқда.
Ҳалокат жойида ҳуқуқ-тартибот идоралари ходимлари ишламоқда, авария сабаблари аниқланмоқда.
Изоҳ (0)